(My brief in vandag se Beeld)
Daar is wel ’n mark vir die Afrikaanse rolprent. Die fliek Liefling (met Bobby van Jaarsveld) se sukses by die loket bewys dit.
Daar is dus ’n mark wat wag om ontgin te word. Tog moet die volgende oorweeg word om hierdie tendens vol te hou:
Doeltreffende verspreiding en bemarking bepaal flieks se sukses.
Die ongelooflike avonture van Hanna Hoekom (myns insiens ’n briljante fliek wat baie beter as Liefling is) se kort speelvak was te wyte aan gebrekkige verspreiding – dit het in een, miskien twee teaters in die ganse Pretoria gedraai.
Fliekgehore stel nie belang in politieke rolprente nie. Gewone stories waarmee mense kan identifiseer, vind groot byval. Platvloersheid gelaai met toilethumor is geen suksesresep nie.
Moenie Afrikaanse gehore se intelligensie onderskat nie.
Liefling is nie ’n foutlose fliek nie, daarvoor is die draaiboek darem net te yl.
Maar omdat dit ’n ode is aan geliefde liefdesliedjies van gister, het dit daarin geslaag om die hartsnare te roer. Ons land het baie stories om te vertel.
FRANCOIS BEKKER My opinie oor films, politiek, letterkunde, nuus, my briewe in koerante en ander verbale uitbarstings.
No comments:
Post a Comment