LIEFLING - DIE MOVIE

Spelers: Bobby van Jaarsveld; Lika Berning
Regie: Brian Webber

Liefling is ‘n ode aan gister se liefdesliedjies. Toegegee, die storielyn is yl. ‘n Tipiese boy meets girl verhaal met ‘n goeie dosis sentiment. Die spel is van wisselende gehalte. ‘n Vak wat prominente aandag in drama kursusse behoort te geniet is die kuns van onderspeel. Die een probleem met Afrikaanse rolprente is dat die akteurs dikwels over act. Die kuns is dat die kyker nie eens bewus moet wees van die spel as sodanig nie.
By tye kitch, kommin en strykdeur onskuldig. Die dramatiese aspekte word nie na behore ontgin nie. Die antagonis in die verhaal word as ‘n karikatuur uitgebeeld. Wanneer sy teen die einde van die verhaal tot selfontdekking kom, is dit onoortuigend. ‘n Ander irriterende aspek is randfigure soos Kurt Darren wat net ingegooi is om te sing – hulle karakters dra nie by tot die verhaal nie.
Die rolprent slaag egter ‘n belangrike toets deurdat dit jou voete laat jeuk vir Afrikaanse musiek. Die repertoire liedjies in die rolprent bewys dat Afrikaanse musiek oor ‘n wye register beskik wat die nuanses van die liefde ondervang. Jy sal saam met Rouel Beukes ‘n lied oor die lewe wil sing, want dit gaan so gou verby......
Liefling- die movie kry 6 uit 10.