Spelers: Denzel Washington; Chris Pine
Regie: Tony Scott
Hollywood is nou maar eenmaal gerat om rampflieks tot hul reg te laat kom, veral omdat dit groot begrotings verg om sulke flieks te maak.
Wanneer ‘n onbemande wegholtrein met ‘n gevaarlike vrag chemikalië op volle vaart alles voor hom weg veeg, sit die eienaars van die trein met hulle hande in hulle hare. En om te dink die verhaal is op ‘n ware insident gebaseer.
Die trein ingenieur Frank Barnes ( Washington) en sy protégé, Will Colson (Chris Pine) sukkel om mekaar te vind op hulle eerste skof saam. Met die nuus dat die wegholtrein op hulle spoor (aankomend) is, noop dit die twee om anders na mekaar te kyk. Dis by die dramaties gelaaide ontvouing van ‘n onwaarskynlike kameraadskap waarin die rolprent se trefkrag lê, en natuurlik die bedreiging van ‘n naderende ramp. Die rolprent word ‘n knap metafoor van lewens wat soms dreig om te ontspoor en die menslike wilskrag om koersvas deur die lewe te gaan.
Briljant verfilm met naelbyt spanning tot reg aan die einde. Net jammer vir die tipiese Hollywoond einde wat deurdrenk is met melodramatise sentiment. Hierdie rolprent word sterk aanbeveel vir liefhebbers van spanningsflieke en kry 7 uit 10.
.
No comments:
Post a Comment